IGIKORWA CYO GUTANGIZA GAHUNDA YO KUGEZA KU BATURAGE IFUMBIRE N’IMBUTO Y’IBIGORI- NYAGATARE KUWA 10 NZERI 2008.

1. Abitabiriye uwo muhango.

 Nyakubahwa Umunyamabanga wa Leta muri Minisiteri y’Ubuhinzi n’Ubworozi,Madame Agnes KALIBATA.
 Nyakubahwa Guverineri w’Intara y’Iburasirazuba, Dr.Ephrem KABAYIJA
 Umuyobozi w’Akarere ka Nyagatare Robert GASHEMEZA
 Umuyobozi w’ingabo mu karere ka Nyagatare Major MUGABO
 Abahagarariye ibigo ISAR na PDRCIU

Umuyobozi w’Akarere ka Nyagatare Robert GASHEMEZA atangiza gahunda

2. Gusobanura abaturage icyo gikorwa.

Icyo gikorwa cyabereye mu Karere ka Nyagatare, Akagari ka Mirama.Mu bafashe ijambo bose basobanuriye abaturage akamaro k’iyo fumbire, uko ikoreshwa ndetse n’uko bazabibona.

Nyakubahwa Umunyamabanga wa Leta muri Minisiteri y’Ubuhinzi n’Ubworozi,Madame Agnes KALIBATA aganira nabaturage

Nyakubahwa Minisitiri yabwiye abaturage ko iyo fumbire bagomba kuyibona mbere y’uko igihe cy’ihinga gitangira.Yambwiye abaturage ko bagomba gufata impapuro ziba zanditsweho inimero z’irangamuntu zabo, bityo izo mpapuro zikazabahesha ifumbire,ko izafatwa yabikoze azabihanirwa.

Abaturage baroroherejwe, kuko udafite amafaranga yo guhita atanga ako kanya,ashobora kwiyandikisha,agahabwa ifumbire,amafaranga amafaranga akaba azayatanga nyuma.Zigama CSS nka Bank ikaba yarasabwe gufasha abaturage babafunuriza compte ndetse banabaha inguzanyo.Abaturage bose bifuza ifumbire bakaba baranditswe.

Nyakubahwa Guverineri yasobanuriye abaturage uko iyo fumbire ikoreshwa ndetse n’uko batera imbuto z’indobanure z’ibigori.Akaba yarabwiye abaturage ko muguhinga ibigori, bagomba gusiga hagati y’urubuto n’urundi cyangwa umuturage agapimisha intoki,arambura ikiganza hasi inshuro ebyiri.Ubundi akaba yapima agati akaba yajya akoresha.Iyo ateganya kuvanga ibigori n’ibishyimbo,uwo muturage akaba yajya akoresha ako gati inshuro ebyiri,bityo agasiga hagati umwanya w’aho gushyira urubuto rw’igishyimbo.

Nyakubahwa Guverineri yereka abaturage ako bagomba gukoresha ifumbire.

Nkuko bamwe mubaturage babidutangarije,batubwiye ko banejejwe n’iyo gahunda kuko ijyanye n’igihe igihugu kigezemo cy’iterambere.Umwe mubaturage b’akagari ka Mirama akaba yaradutangarije ko yabashije guhugurwa na R.D.O mu bijyanye no guhinga bya kijyambere.Akaba yishimira iyo nkunga y’ifumbire izaza yiyongera kubumenyi yakuye mu mahugurwa yakoze.

Uwo muturage yanadusobanuriye ko mugibembwe cy’ihinga gishize yabashije gusarura ibiro 280 by’ibishyimbo n’ibiro 480 by’ibigori ku butaka bungana na Ari 10.Akaba ateganya kongera ubuso by’ubutaka ahingaho akaba yageza kuri Hegitari 10.Uwo muturage akaba yaraguze ifumbire ifite agaciro k’amafaranga 37750.Ni ukuvuga ko we yatanze amafaranga 18085,andi asigiye akaba uruhare rwa Leta.Ni ukuvuga hafi ½ cy’agakiro k’ifumbire.Ibicyiro by’ifumbire bikaba ari amafaranga 275 ku fumbire ya DAP na 205 ku fumbire ya UREA.

Umuyobozi w’ingabo mu karere ka Nyagatare Major MUGABO Regional Police Commander KAJEGUHAKWA. District Police Commander SESONGA

Abaturage bagaragaje ko bumva neza icyo gikorwa kandi bikagaragara ko bizafasha ikigo nka ISAR kubufatanye bwayo n’umushinga PDRCIU kugera ku ntego zabyo,mu guteza imbere ubuhinzi mu turere bikoreramo.

Umukozi wa CSS ZIGAMA Mr.Brian, asobanura uko bazorohereza abaturage kubona inguzanyo zifumbire

[Back]